logo

online.fsm.am
Հայտարարություններ

Դասընթաց-մրցույթ 13-18 տարեկան աշակերտների համար

Ֆինանսական համակարգի հաշտարարի գրասենյակը «Հաշտարարն ամենուր» ծրագրի շրջանակներում 2020թ հունիսի 15-17-ը կազմակերպում է առցանց դասընթաց-մրցույթ 13-18 տարեկան աշակերտների համար։

Մասնակցելով առցանց դասընթաց-մրցույթին՝ Դուք

կստանաք տեսական և գործնական գիտելիքներ ֆինանսների, խնայողությունների, ապահովագրության, ՀՀ ֆինանսական համակարգի մասին,

տարբեր ինտերակտիվ խաղերի միջոցով կամրապնդեք Ձեր գիտելիքները և

կմասնակցեք ֆինանսների վերաբերյալ տարբեր մրցութային խաղերի։

Մրցութային խաղերի ընթացքում առավելագույն միավորներ ունեցող 3 աշակերտներ կստանան խրախուսիչ մրցանակներ Ֆինանսական համակարգի հաշտարարի գրասենյակի կողմից։

Մասնակցության համար անհրաժեշտ է գրանցվել հետևյալ հղումով՝ https://forms.gle/WLSAFVJaMXNJevJj7


Կարճ տեսահոլովակի մրցույթ 12-18 տարեկան աշակերտների համար

Ֆինանսական համակարգի հաշտարարի գրասենյակը «Հաշտարարն ամենուր» ծրագրի շրջանակներում հայտարարում է «Լավագույն տեսահոլովակի մրցույթ», որի շրջանակներում պետք է նկարահանել կարճ խաղարկային տեսահոլովակ «Ե՞րբ կարող եմ դիմել Հաշտարարին» վերնագրով:

Մրցույթին կարող են մասնակցել 12-18 տարեկան աշակերտները:
Մասնակցության համար անհրաժեշտ է`
1.նկարահանել կարճ տեսահոլովակ հեռախոսով, տեսախցիկով կամ այլ սարքի միջոցով
2.վերբեռնել այն որևէ առցանց վիդեո կայք կամ հավելված (օրինակ՝ Youtube, TikTok, Vimeo և այլն)
3.ուղարկել հոլովակը` լրացնելով համառոտ առցանց հայտադիմումը:

Հոլովակները կարող եք ուղարկել սույն թվականի հունիսի 2-ից մինչև հունիսի 30-ը, ժամը 23:59-ը:

Երեք լավագույն տեսահոլովակների հեղինակներին տրամադրվելու են մրցանակներ, իսկ տեսահոլովակները տեղադրվելու են Ֆինանսական համակարգի հաշտարարի գրասենյակի կայքում և ֆեյսբուքյան էջում:

Մանրամասները և հայտադիմումը՝ այստեղ՝ https://docs.google.com/…/1FAIpQLSfDe4z-iqiZIPD4D-…/viewform ։


Մրցույթ

«Ֆինանսական համակարգի հաշտարարի գրասենյակ» Հիմնադրամը հայտարարում է հրապարակային մրցույթ` «Ֆինանսական համակարգի հաշտարարի գրասենյակ» Հիմնադրամի կողմից իրականացվող ծրագրերի շրջանակում առաջացած կարիքներն ապահովելու նպատակով ուղևորափոխադրում իրականացնող կազմակերպություն ընտրելու համար:

Մրցութային հայտերի ընդունման վերջին ժամկետն է 2020թ. մարտի  23-ը ժամը 17:00-ն:

Մրցույթի մանրամասներին կարող եք ծանոթանալ այստեղ։

 

Հայտնում ենք, որ մի շարք փոփոխություններ են իրականացվել մրցույթի հայտարարության մեջ։ Ուստի խնդրում ենք հաշվի առնել հայտարարության նոր տարբերակին։

Հայտնում ենք, որ տեղի են ունեցել ժամկետային փոփոխություններ։ Մանրամասները՝ այստեղ։

 

Ի լրումն նախորդ տեղեկատվության՝ ներկայացնում ենք ժամկետային փոփոխությունները, որոնց կարող եք ծանոթանալ այստեղ։


Մրցույթ

 «Ֆինանսական համակարգի հաշտարարի գրասենյակ» Հիմնադրամը հայտարարում է հրապարակային մրցույթ` «Ֆինանսական համակարգի հաշտարարի գրասենյակ» Հիմնադրամի գովազդային հոլովակները Արմենիա Թի Վի, Շանթ Թի Վի, ՀԱՅԱՍՏԱՆԻ ՀԱՆՐԱՅԻՆ ՀԵՌՈՒՍՏԱԸՆԿԵՐՈՒԹՅՈՒՆ, Ա-Թի Վի հեռուստաընկերություններով հեռարձակելու նպատակով կազմակերպութ­յուն ընտրելու համար:

Մրցութային հայտերի ընդունման վերջին ժամկետն է 2020թ. մայիսի 22-ը ժամը 17:00-ն:

Մրցույթի մանրամասներին կարող եք ծանոթանալ այստեղ։