logo

online.fsm.am
Կոնֆերանսներ
«Ֆինանսական ոլորտի թվայնացումը և ֆինանսական համակարգի ապագան» թեմայով ամենամյա 8-րդ կոնֆերանս

Սույն թվականի մայիսի 7-8-ը կայանալիք կոնֆերանսը տեղի կունենա սույն թվականի հոկտեմբերի 17-18-ը։

Սույն թվականի հոկտեմբերի 17-18-ը Երևանի Մարիոթ հյուրանոցում Հաշտարարի գրասենյակը կազմակերպում է ամենամյա 8-րդ կոնֆերանսը` «Ֆինանսական ոլորտի թվայնացումը և ֆինանսական համակարգի ապագան» թեմայով  ( Digital transformation and the future of financial industry): 


Այս տարվա կոնֆերանսին քննարկվելու են այնպիսի արդիական թեմաներ, ինչպիսիք են՝ ֆինանսական համակարգի թվայնացումը, նորարարությունները բանկային և ապահովագրական ոլորտում, վեճերի լուծումը ինտերնետի դարաշրջանում, բլոկչեյները և կրիպտոարժույթները, վճարման համակարգերը և դրանց ապագա զարգացումները: Կոնֆերանսի շրջանակներում նաև անդրադարձ է կատարվելու ֆինանսական ոլորտում աշխատաշուկայի ապագա կառուցվածքին, մրցունակության խնդիրներին և ֆինանսական ծառայությունների շուկայում մի շարք կարևոր հիմնահարցերին: Կոնֆերանսի խոսնակներն են ոլորտի մասնագետներ Մեծ Բրիտանիայից, Կանադայից, Ավստրալիայից, ԱՄՆ-ից և Բուլղարիայից:  


Կոնֆերանսի ծրագրին կարող եք ծանոթանալ այստեղ:

 

Մասնակցության հայտը կարող եք ներբեռնել այստեղից և լրացված հայտը մինչև սույն թվականի սեպտեմբերի 24-ը ուղարկել conference2018@fsm.am   էլեկտրոնային  հասցեին:




Կոնֆերանսին կարող են մասնակցել միայն այն կազմակերպությունների մասնագետները, ովքեր Հաշտարարի գրասենյակի կողմից ստացել են կոնֆերանսի մասնակցության հրավեր: